Sotheby’s

Innsigluð uppboð eru nýjung í stafrænum uppboðum hjá Sotheby’s. Hugmyndin byggir á uppboðshefð þar sem boð eru send í lokuðum umslögum, og leynd hvílir þannig yfir bæði upphæðum og nöfnum þátttakenda. Við smíðuðum kerfi frá grunni sem færir þessa uppboðshefð inn í nútímann, með leikjavæðingu (e. gamification) og ýmsu sem gerir þátttöku skemmtilegri og meira spennandi.

Í mörgum tilfellum er um að ræða einstaka hluti að verðmæti hundruða milljóna króna, svo strangar kröfur voru gerðar um öryggi og áreiðanleika. Einnig var mikið lagt upp úr að notendaupplifunin væri skýr og traustvekjandi, enda mikið í húfi fyrir þátttakendur í uppboðunum.

Hvert og eitt uppboð fær kynningarsíðu þar sem áherslan er á að segja sögu og vekja hughrif með samspili texta, mynda og myndbanda. Uppboðsvefurinn sjálfur sýnir yfirlit yfir öll innsigluð uppboð, og þegar uppboð hefst geta skráðir notendur tekið þátt á vefnum. Uppboðið fer fram í rauntíma og þátttakendur berjast um efsta sætið á stigatöflu (e. leaderboard) þar sem hvorki upphæðir né nöfn eru sýnileg.

Að auki við uppboðskerfið og vefinn smíðuðum við stjórnkerfi fyrir uppboðshaldara.